Benefits of Terrace Gardening | టెర్రస్ గార్డెనింగ్ యొక్క ప్రయోజనాలు | Organic Nature Garden

 Benefits of Terrace Gardening: హాయ్ రీడర్స్! నాకున్న ప్రధానమైన అభురుచుల్లో Terrace Garden ఒకటి. మనం స్వంతంగా గార్డెన్ పెంచుకోవడం వలన మానిసిక ప్రశాంతతతో పాటు ఆర్గానిక్ కూరగాయలను కూడా తినవచ్చు. ఈమధ్యకాలంలో ఆర్గానిక్ ప్రోడక్టల డిమాండ్ పెరుగుతూ వస్తోంది. అంతే కాకుండా గార్డెనర్ల సంఖ్య కూడా విపరీతంగా పెరుగుతుంది. ఇది ఒకరకంగా శుభసూచకమే!

మనం ఇప్పుడు Terrace Garden వలన కలిగే ఉపయోగాలు, ప్రయోజనాలు తెలుసుకుందాము.

Benefits of Terrace Gardening 

కల్తీ లేని కూరగాయలు పొందవచ్చు

మనo తినే ఆహారంలోని పదార్థాలు ఎలా కలుషితమై కల్తీ అవుతున్నాయో అనే భయానక కథలను మనం ప్రతిరోజూ వింటుంటాము. వాటి వలన వచ్చే జబ్బులు, ప్రమాదాల గురించి అనేక రిపోర్టులు మన చూస్తూనే ఉన్నాము. అయినప్పటికీ వాటిని వాడక తప్పని పరిస్థితికి లోబడిపోయి ఉన్నాము. వాటికి ఇంజెక్షన్లు వాడటం నుండి హానికరమైన పురుగుమందులను పిచికారీ చేయడం వరకు ఇది జరుగుతుంది. కూరగాయలు వంటి తాజా ఉత్పత్తులను సరైన రంగు లేదా పరిమాణంలో పొందడానికి కృత్రిమంగా పెంచినప్పుడు, అది సహజ పోషకాలను తీసివేస్తుంది. ఇటువంటి వాటిని తినడం వలన ఎంత ప్రమాదమో ఒకసారి మీరు ఆలోచించండి. కాబట్టి ఇటువంటి పరిస్తితుల నుండి బయట పడడానికి మనం తప్పనిసరిగా, అవకాశం ఉన్న ప్రతి ఒక్కరూ Terrace Garden ఏర్పాటు చేసుకోవాలి.

దీని వలన కల్తీ లేని నాణ్యమైన పంటలను పొందవచ్చు. రుచికరమైన వంటకాలను పొందవచ్చు.

మానవ శరీరానికి శక్తి ఆహారం వలన కలుగుతుంది. ఆరోగ్యకరమైన ఆహారం విషయంలో మనం చాలా జాగ్రత్త తీసుకోవాలి. మార్కెట్లో కొనే కూరగాయలలో విషపూరిత రసాయనాలు వాడటం వలన కూరగాయలలోని ఖనిజాలు మరియు విటమిన్ల పరిమాణాన్ని తగ్గిస్తాయి. అంటే మనం కొన్ని ఆహారాలను తీసుకునేటప్పుడు మనకు అవసరమైన పోషకాలు ఏవీ అందవు. అయితే మనం ఏర్పాటు చేసుకున్న Terrace Gardenలో విటమిన్, ఐరన్, మెగ్నీషియం మరియు ఖనిజాలు ఎక్కువగా ఉంటాయి. మీరు, మీ కుటుంబ సభ్యులు  పిల్లలునేరుగా ఆరోగ్యకరమైన ఆహారాన్ని పొందడం వలన అనారోగ్యం బారి నుండి తప్పించుకోవచ్చు.

శారీరక మరియు మానసిక ఆరోగ్య ప్రయోజనాలు

ప్రపంచ ఆరోగ్య సంస్థ (WHO) ప్రకారం మంచి ఆరోగ్యం పొందాలంటేదీని మనం చేసే పనులలో మనకు ఆనందం, సానుకూల భావోద్వేగాలు, సంతృప్తి కలిగించే కార్యకలాపాలలో కూడా మనం పాల్గొనాలి. WebMD ప్రకారం, తోటపని వంటి బహిరంగ కార్యకలాపాలు వాస్తవానికి గుండె ఆరోగ్యాన్ని మెరుగుపరుస్తాయి మరియు గుండెపోటు మరియు స్ట్రోక్ ప్రమాదాన్ని కూడా తగ్గిస్తాయి. ఒత్తిడికి కారణమయ్యే హార్మోన్ అయిన మన శరీరంలో కార్టిసాల్ స్థాయిలను తగ్గించడానికి సేంద్రీయ తోటపని ఒక కారణమని ఒక డచ్ అధ్యయనం కూడా కనుగొంది.

ఎందుకంటే మనం Terrace Garden నిర్మించడం వలన ప్రతి రోజూ కొంత సమయాన్ని గార్డెన్ అభివృద్ధి కొరకు, కొంత పనిని చేయవలసి ఉంటుంది. ఉదాహరణకు: మొక్కలకు నీళ్ళు పోయడం, మట్టిని కలపడం, మొక్కలను పరిశీలించడం ఇటువంటి కార్యక్రమాలన్నీ కూడా శారీరక, మానసిక ఆరోగ్యాన్ని అందిస్తాయి. ప్రశాంతమైన వాతావరణం, గాలి మీమనసును ఉద్దేజపర్చుతాయి. మీ దైనందిన జీవితంలో కలిగే మానసిక ఆందోళలను దూరం చేస్తాయి. ఉదయాన్ని, సాయంత్రాన్ని ఒక టీనో, కాఫీనో సిప్ చేస్తూ గార్డెన్ లో గడపడం... ఆ మానసిక తృప్తిని మనం వర్ణించలేము.

ప్రకృతిని కాపాడబడుతుంది

చక్కని పంటపొలాలను సైతం రియల్ ఎస్టేట్ పేరుతో కాంక్రీట్ జంగిలాలుగా మార్చేస్తున్న ఈరోజుల్లో Terrace Garden చాలా వరకూ ప్రకృతిని కాపాడుతుందనే చెప్పవచ్చు. మనం ప్రకృతిని సంరక్షించుకోకపోతే కొన్ని సంవత్సరాల తరువాత నీళ్ళను కొని తాగుతున్నట్టే గాలిని కూడా కొనుక్కోవల్సిందే. ఇదే పరిస్థితి వస్తే మానవ మనుగడ పరిస్థితి ఎంత దారుణంగా మారిపోతుందో ఊహించవచ్చు.

ఇంతకీ Terrace Garden అంటే ఏమిటి?

సాధారణ నేలపై కాకుండా ఇంటి టెర్రస్‌పై పూలమొక్కలు లేదా కూరగాయల పంటలను పెంచే కళను టెర్రస్ గార్డెనింగ్ అంటారు. టెర్రస్ గార్డెన్ ఏర్పాటు చేయడం చాలా సులభం ఎందుకంటే దీనికి కుండలు లేదా గ్రో బ్యాగులు, మట్టి, వర్మీ కంపోస్ట్ లేదా సేంద్రీయ ఎరువు వంటి కొన్ని వస్తువులు మాత్రమే అవసరం, మొక్కలపై ఆసక్తి ఉన్న ఎవరైనా టెర్రస్ గార్డెన్‌ను ప్రారంభించవచ్చు. 

• ఇంట్లో పండించిన పండ్లు మరియు కూరగాయలు తెగుళ్ళు మరియు వ్యాధుల నుండి విముక్తి పొంది, మనల్ని ఆరోగ్యంగా ఉంచుతాయి.
• టెర్రస్ గార్డెన్ రోజువారీ ఆహారం కోసం కూరగాయలను అందించడమే కాకుండా, భవనాన్ని చల్లగా ఉంచుతుంది.
• Terrace Garden కృత్రిమ గాలిని శుద్ధి చేసి ఆరోగ్యకరమైన, ఆహ్లాదకరమైన గాలిని అందిస్తుంది.  
• పంటల సాగులో ఆచరణాత్మక అనుభవాన్ని అందిస్తుంది.
• టెర్రస్ గార్డెన్‌లో భాగంగా ఔషధ మొక్కలు  రక్షణకు మొదటి వరుసలో ఉపయోగపడతాయి.
• కూరగాయలు మరియు పండ్లు కొనవలసిన అవసరాన్ని తగ్గించడం ద్వారా, జీవన వ్యయం తగ్గుతుంది. 
• Terrace Garden వలన భవనం యొక్క మొత్తం సౌందర్య విలువను పెంచుతుంది
• చిన్న స్థాయిలో తోటపని చేయడం కూడా మానసిక ఒత్తిడికి గొప్ప నివారిణిగా ఉంటుంది.

కాబట్టి మిత్రులారా ఈపోస్టును ఆదరించినందుకు ధన్యవాదములు తెలుపుకుంటున్నాను. Terrace Garden పెట్టుకోవడానికి అవకాశం ఉన్న ప్రతి ఒక్కరూ ఈరోజు నుండే గార్డెన్ ప్రారంభించండి.

మరిన్ని వివరాలకోసం, సమాచారం కోసం దయచేసి మన Youtube ఛానెల్ Organic Nature Garden ను సపోర్ట్ చేయండి. జైహింద్!!!